0-3 хүртэлх настай хүүхдийн хөгжил

6 сараас 1 хүртэлх насны хүүхдийн уйлах нь багасч инээх нь ихэсдэг. Энэ насны хүүхэд жаахан холдоход таныг орхиод явж байна гэж айсандаа уйлдаг. Энэ насны хүүхэдтэй эцэг эхийн хамгийн чухал нэг зорилт бол өөртөө итгүүлж сургах байдаг. Тэр таныг хаа нэгтэй ойрхон байгааг мэдэж байх хэрэгтэй.

Хүүхэд хэлд хараахан ороогүй байгаа учраас хаана, юу нь өьдөж байгаагаа зааж хэлж чадахгүй уйлж дохио өгдөг.

Хүүхдийн уйлж байгаа өөр нэг шалтгаан нь түүний уураг тархи эрчимтэй хөгжиж, зохион байгуулалтад орж байгаа явдал юм.

            Энэ насанд тохиолддог нэг сайхан үйл явдал нь таны хүүхэд хэлд орж эхлэх юм. Эхлээд тэр зөвхөн ганганаж, гунганадаг. Түүний ганганахад нь эцэг, эх хариу үг хэлэхэд дагаж дууриасаар таны хүүхэд төрөлх хэлээрээ үг хэлж сурдаг. Хүүхдийн ганагнаж гунганахад хариу хэлж ярилцаж байснаараа та хүүхэдтэйгээ өөрийгөө холбох харилцааны хамгийн чухал алхмыг хийдэг.

            Та хүүхдийнхээ юу хэлэх гэснийг  сонсож байгаагаа, тантай ярилцах гэсэн оролдлогыг үргэлж хүндэтгэн хүлээж авдаг гэдгээ хүүхэддээ харуулж ойлгуулаарай.

Та хүүхдээ доорх шалгууртай харьцуулж үзнэ үү.

1  настны чадвар:

• Ганцаараа явган сууна.

• Бусдын тусламжгүйгээр зогсож, бие даан чөлөөтэй алхана.
• Шат болон намхан зүйл рүү авирна.
• Бөхийх, гэдийх, эргэх, явган суух, дэвхцэх зэрэг янз бүрийн хөдөлгөөн хийж удаан явж чадна.

Эцэг эхчүүд ээ, хэрвээ таны хүүхэд дээрх чадварыг гүйцэтгэхдээ хүндрэлтэй юм шиг санагдвал эсвэл чадахгүй байвал эмчид үзүүлж зөвлөгөө аваарай.

1 настай хүүхдийн хөгжилд хамгийн чухал үүрэг гүйцэтгэдэг зүйл бол хамтдаа тоглох явдал юм.

            Бусдыг дуурайж, хүч шаардан гүйцэтгэх дасгалыг хөдөлгөөнт тоглоомын хэлбэрээр явуулбал хүүхдэд чинь илүү сонирхолтой байдаг. Та хүүхдийнхээ нас биед тохирсон алхах, гүйх, үсрэх, харайх, шидэх, онох, барих, ноцолдох зэрэг хөдөлгөөнтэй тоглоомыг сонгож хэрэглэх нь үр өгөөжтэй. Хүүхэд эцэг эхтэйгээ тоглож байхдаа хөдөлгөөнийхөө хэрэгцээгээ бүрэн дүүрэн олж авдаг.

            Хүүхэддээ төрөл бүрийн хэлбэр, хэмжээ, өнгөтэй нүддэг, шажигнадаг, сэгсэрдэг, үсэргэдэг, эргэлддэг, хөдөлгөөнтэй тоглоомыг сонгоорой.

1 настай хүүхдийн эрүүл ахуй:

Эцэг, эхчүүд ээ, таны хүүхдийн эрүүл мэнд таны гарт байдаг тул:

• Гаднаас орж ирээд хүүхдээ тэврэхээсээ өмнө
• Хоол цай бэлтгэхээсээ өмнө
• Бие зассаныхаа дараа болон хүүхдийнхээ хөтөвчийг цэвэрлэсний дараа гараа сайтар угааж хэвшээрэй.
• Гэртээ их цэвэрлэгээг сар бүр чийгтэй цэвэрлэгээг өдөр бүр хийж байгаарай.
• Хүүхдээ гадаа байх үед өрөөний салхивчийг нээж 15-25 минут нэвт салхилуулж байгаарай.

1 настай хүүхдийн хооллолт:

1 насанд хүүхдийн үндсэн хоол нь хөхний сүү байдаг боловч тохирсон хоолыг нь бэлтгэж өгч байх хэрэгтэй. Нэг наснаас дээш гүйцэд найрлагатай, амт чанар сайтай, өнгө үзэмжтэй, насанд хүрэгчдийнхтэй ойролцоо хоол идэх нь бие бялдар, сэтгэхүйн зөв өсөлт хөгжилтийн хэрэгцээг хангаад зогсохгүй биеийн эсэргүүцлийг нь сайжруулдаг.  1 настай хүүхдийг 1 удаад 250-300 граммаар 5 удаа хооллоно.

Хүүхдийн хоолыг баяжуулж өгвөл илүү тустай. Тухайлбал:

• Бантан дээр лууван, аарц, ээдэм, бяслаг, өндөгний шар, цөцгий, ургамлын тосны аль нэгийг нэмж баяжуулан өгч болно.
• Будааны агшаамал ба сүүтэй зутан дээр цөцгий, ургамлын тосны аль нэгээс бага зэрэг  нэмэх
• Ургамлын тос, цөцгий, зөгийн бал зэргийн аль нэгээр таргийг баяжуулж өгвөл илүү тэжээллэг болно.

/Ж.Октябрь “Хүүхдийн хоолны жор” УБ, 2001/

1-3 НАСТАЙ ХҮҮХДИЙН БИЕИЙН ХӨГЖИЛ

Та өөрийн хүүхдийн өсөлтийг дараах хүснэгттэй харьцуулж үзнэ үү.

/Ш.Оросоо/

Балчир насны хүүхдийн нойрсох хугацаа:

Эцэг эхчүүд ээ, Балчир насны хүүхдийн эрүүл байх үндэс нь хоол тэжээл, нойрсолт гэдгийг анхаараарай.